Ukuna
Kumchazazulu, ukuna kuyinoma yimuphi umkhiqizo wokujiyeka komhwamuko wamanzi womoyambulunga owehla usuka emafwini ngenxa yokudonsa komnyondo. Izinhlobo eziyinhloko zokuna zihlanganisa umkhizo, imvula, isichotho, umkhitho, pellets zeqhwa, isichochwane nesiqhotho. Ukuna kwenzeka lapho ingxenye yomoyambulunga ibhunyelwa umhwamuko wamanzi, ukuze amanzi ajiyeke futhi "ane" noma akhithike. Ngalokho, inkungu nofasimbe akukhona ukuna; umhwamuko wako awujiyeki ngokwanele ukuze wehle, ngakho inkungu nofasimbe akukhithiki. (Inhlanganisela enjalo ibizwa ingqumbu.) Izinqubo ezimbili, okungenzeka zisebenza kanye kanye, zingaholela ekutheni umoya ujiyezwe umhwamuko wamanzi: kubandise umoya noma kwengeze umhwamuko wamanzi emoyeni. Ukuna kwakheka njengamaconsi amancane ahlangana ngokungqubuzana namanye amaconsi emvula noma imincwebe yeqhwa phakathi kwelifu.
