IBehlezani

iBehlezani inhlwa yevanga enophawu Be nenani lobuchwe lesi- 4. Liyinqimbi empunga, eqinile, engasindi kanye nengqubathi yoMhlaba entekenteke . Liyinhlwa ehlengembili (divalent) etholakala ngokwemvelo kuphela ngokuhlangana nezinye izinhlwa ukwenza izimbiwa. Amatshe ayigugu aphawulekayo anebehlezani eliphezulu ahlanganisa imbehle (beryl) (isincwamanzi (aquamarine), umhlazazana (emerald) ) nembehlehlaza (chrysoberyl). Liyivelakancane kumkhathilibe, ngokuvamile litholakala njengomkhiqizo wokusakazeka kwezindeni zechwe ezinkulu ezihlangane nemisebe yomkhathi . Ngaphakathi kweminyombo yezinkanyezi, ibehlezani liyancipha njengoba lihlanganiswa libe izakhi ezisindayo. Ibehlezani lakha cishe amaphesenti angu-0.0004 ngesisindo soqweqwe lomhlaba. Ukukhiqizwa kwebehlezani yaminyaka yonke emhlabeni okungamathani angama-220 ngokuvamile kukhiqizwa ngokukhipha imbehle yezimbiwa, inqubo enzima ngoba intungo yebehlezani ibopha kakhulu isOhwe .