Nhlanhla Nene

UNhlanhla Musa Nene ([ntɬantɬa], owazalwa ngomhlaka 5 kuZibandlela 1958) wasebenza njengoNgqongqoshe Wezezimali waseNingizimu Afrika ngaphansi kukaMongameli uJacob Zuma kusukela ngomhlaka 25 Meyi 2014 kwaze kwaba uyasuswa ngempikiswano ngomhlaka 9 Disemba 2015,nangaphansi Mengameli Cyril Ramaphosa kusukela mhla tinge-27 Indlovana 2018 waze wasula mhla tisi-9 Imphala 2018. Ubuye futhi wasebenza njengePhini likaNgqongqoshe Wezezimali kuKhabinethi yaseNingizimu Afrika ^[1] kusuka ngoNovemba 2008 kuya kuMeyi 2014, njengosihlalo weKomidi Lezimali ePhalamende laseNingizimu Afrika,nanjengeLungu lePhalamende I-African National Congress (ANC) iqala ngo-1999. Umuzi wakhe useKranskop, KwaZulu-Natal .

Ezemfundo

UNene uneziqu ze-B.Com Honours kwi-Economics azithola e-University of Western Cape (UWC). Uthole neDiploma ye-Marketing Management DMS ; iDiploma Ethuthukile Kwinqubomgomo Yezomnotho evela e-UWC; Isitifiketi Senqubomgomo Yezomnotho esivela eNyuvesi yaseNingizimu Afrika (i-UNISA); kanye neSitifiketi seMacro neMicro Economics esivela eNyuvesi yaseLondon. Ubuye waya kwi-Course in Evaluating Macroeconomic Strategies ngo-2000 eWilliams College (CDE), MA, e-USA. Ufunde umatikuletsheni eGcothoyi Adult Centre.

Umsebenzi

UNene wayekhuthele kwezepolitiki yabafundi ngawo-1970, futhi waba yilungu le-African National Congress (ANC) Regional Executive Committee, esifundeni iBambatha lapho waba nguSihlalo weBambatha Branch.

Usebenze njenge-Regional Administrative Manager yeMetropolitan Life Insurance iminyaka eyi-15.Waba ngumphathi wesitolo sezinyunyana zabasebenzi futhi wahola ithimba elalixoxisana ngezimo ezingcono zokusebenza ngesikhathi sika-1990 kuya ku-1995 futhi wahlela isiteleka sokuqala ngqa emkhakheni wezezimali, ngaphansi kwesibhengezo se-SACAWU, ngenkathi esebenza eMetropolitan Life Insurance Company ngo-1990.

Usebenze njengonobhala wesifunda se-ANC Ukhahlamba esifundeni kusuka ngo-1997 kwaze kwaba ngu-2000 nanjengosihlalo weKranskop Policing Forum kusuka ngo-1997 kuya ku-1999. Ube yikhansela likaHulumeni Wendawo kaKhongolose nosihlalo wekhokhokhasi kusukela ngo-1996 kwaze kwaba ngu-1999 futhi waba ngusihlalo weNtunjambili Development Forum kusuka ngo-1994 kwaze kwaba ngu-1999.

Ube yilungu lePhalamende ngo-1999, futhi njengelungu lePhalamende wayengusihlalo obambisene weKomidi Elihlangene Lezabelomali kusukela ngo-Okthoba 2002 kuya ku-Agasti 2005 futhi engusihlalo wePortfolio Committee on Finance kusuka ngo-2005 kuya ku-2008.

Umsebenzi wezepolitiki

Njengelungu elisha lePhalamende, uNene wasebenza ekomidini lezezimali, elaliphethwe nguBarbara Hogan phakathi kuka-1999 no-2004. Uthe ubemhlonipha kakhulu yena nezindlela zakhe "ezingekho mbhedo".

UNene ubephethe uSihlalo weKomidi Elihlangene Lezabelomali futhi njengamanje uyilungu leKomidi Eliphezulu Lesifunda le-ANC esifundeni saseBambatha. Phambilini uke wabamba isikhundla sikaNobhala we-ANC esifundeni iBambatha. Njengosihlalo wekomidi lezezimali lephothifoliyo, uthe "akulungile" ukuthi iphalamende libambe iqhaza ekwakhiweni kwesabelomali, wengeza ngokuthi "iPhalamende linesibopho sokubheka maqondana nesabelomali ngakho [ukusebenza kwethu kahle] kuncike ekutheni kahle-hle sisebenzisa inqubo yePhalamende. " ^[2] Ngo-2008 ngesikhathi iPhalamende lishaya umthetho ozobanika amandla okwengeza ukubhekelela ukwabiwa kwezimali, uNene waveza ukukhathazeka, egcizelela ukuthi "kumele kuqikelelwe kakhulu ukuthi iPhalamende alikubukeli phansi ukuzinza komnotho omkhulu." ^[3]

Phambilini, wayekhulunywe njengomuntu owayengalandela uNgqongqoshe Wezezimali, uMnuz Trevor Manuel, ekuphathweni kwe-ANC okwakunguJacob Zuma ^[4] NgoNovemba 2008 uMengameli uKgalema Motlanthe waqoka uNene njengePhini likaNgqongqoshe Wezezimali waseNingizimu Afrika.UNene ungene esikhundleni sikaJabu Moleketi, owesula esikhundleni ngemuva kokubuyiselwa kukaMengameli uThabo Mbeki. UNene waqokwa njengoNgqongqoshe Wezezimali omusha ngomhlaka 25 Meyi 2014.Kuphikiswana ngesimo sikaNene sokuthi ngabe unguNgqongqoshe Wezezimali waseNingizimu Afrika wokuqala noma wesibili omnyama yini.

UNene unconywe ngabahlaziyi bezezimali njengongqongqoshe omuhle wezezimali ogxeke izinhlelo eziningana zokusetshenziswa kwemali nguhulumeni, kuhlanganisa nohlelo lokwakha izikhungo eziningi zenuzi. ^[5] ^[6]

Izinkomba

↑ Empty citation (help)
↑ Prakash Naidoo. "Budget Process: Do we have enough say? Archived 2007-03-12 at the Wayback Machine.". Financial Mail. 23 February 2007.
↑ "SA Parliament to get more budget change power". Reuters. 24 October 2008.
↑ Donwald Pressly. "Songs and pratfalls demonstrate fickleness of rand^{[dead link]}." Business Report. 27 October 2008.
↑ "Archive copy". Archived from the original on 2022-01-21. Kulandwe ngomhlaka 2021-07-30.CS1 maint: Archived copy as title (link)
↑ [1]

[anc-1] Empty citation (help)

[naidoo-2] Prakash Naidoo. "Budget Process: Do we have enough say? Archived 2007-03-12 at the Wayback Machine.". Financial Mail. 23 February 2007.

[reuters-3] "SA Parliament to get more budget change power". Reuters. 24 October 2008.

[pressly-4] Donwald Pressly. "Songs and pratfalls demonstrate fickleness of rand^{[dead link]}." Business Report. 27 October 2008.

[5] "Archive copy". Archived from the original on 2022-01-21. Kulandwe ngomhlaka 2021-07-30.CS1 maint: Archived copy as title (link)

[6] [1]

[1]

[2]

[3]

[4]

[5]

[6]