Thembisa

IThembisa inxuluma elikhulu elisenyakatho ne-Kempton Park eMpumalandi, esifundazweni saseGauteng, eNingizimu Afrika. Lenxuluma lasungulwa ngowe-1957 ngenkathi abantu abansundu besuswa enxulumeni i-Alexanda nakwezinye izikhundla e-Edenvale, e-Kempton Park, e-Midrand nase-Germiston.

Thembisa
Thembisa Indawo yedolobha kwiGoli selilonke
Thembisa Indawo yedolobha eNingizimu Afrika
Izixhumanisi: 26.0055°S 28.2102°E / -26.0055; 28.2102
Izwe	IRiphabliki waseNingizimu Afrika
Isifunda	Gauteng
Umasipala	Ekurhuleni
Founded	1957
Ubukhulu
• Jikelele	32.44 km2 (12.53 sq mi)
Inani labantu (2001)
• Jikelele	348,693
• Iqulu	11,000/km2 (28,000/sq mi)
First languages (2001)
• isiSuthu sasenyakatho (isiPedi)	34.5%
• isiZulu	25.0%
• isiTsonga	12.1%
• isiXhosa	7.9%
• Other	20.5%

uMlando

Leli nxuluma lakhiwa ngowe-1957, ngaphansi kokuphatha komkhandlu wesidlavela sase-Germiston owawuqondisa ukususwa kwabantu abansundu ngempoqo ezindaweni ezithathwa ngokuthi ngezabelungu, ezifana ne-Dindela, e-Tikkieline, e-Phelindaba, nase -Modderfontein eyayihlanganisa i-Edenvale, i-Modderfontein ne-Kempton Park. Inxuluma lesibili elikhulu eGoli, lilandela i-Soweto.

Ngowe-1977 uhulumeni weleka iMikhandlu yoMphakathi futhi ngowe-1982 wayithuthukisa kwaba iMikhandlu yesiDlidli, ngaphansi koMthetho wamaGunya aseziNdaweni zabaNsundu. Uhulumeni wanika leMikhandlu amandla alinganiselwe kodwa wayincisha amandla angokwezimali. Ngalokho, ukuze ikhuphule imalingeniso ngenhloso yokuthuthukisa amanxuluma, lemikhandlu yakhuphula imali yokuqasha neyezidingongqangi. Lokhu kwabangela abahlali basemanxuumeni ahlukene, kuhlanganise neThembisa, ukuba basungule izinhlaka zomphakathi ukuze bamelane nokukhushulwa kwemali yokuqasha nezidingonqangi.