IsiCikizi

IsiCikizi inguxa yezezibhangqiwe yamazuba engahleleliswa ukuba yenze uchunge lwezibalonqangi nemigidingo ehluzekile ngenhleleleko. Izicikizi zanamuhla zingenza imigidingo engamaqoqo avamile eyaziwa ngokuthi izinhleleliso. Lezinhleleliso zinikeza isiCikizi igunya lokwenza imisebenzi ehlukahlukene. Isimiso sesiCikizi siyisicikizi esiphelele esihlanganisa nezinye izinsiza ezidingekayo, njengehlelomgidingo ukuze sikwazi ukugidinga ngokugcwele. Legama libuye libhekisele eqoqweni leziCikizi ezixhunywe ukuba zisebenze ndawonye, njengoXhoxho lweziCikizi noma isishomo seziCikizi.

A Colossus Mark 2 computer being operated by Dorothy Du Boisson (left) and Elsie Booker (right), 1943

Purple video game console with attached controller

IziCikizi nezilekeleli zezinkathi ezingafani.
Top row: Automatic mechanical calculator (1820) (Difference Engine), First-generation computer (Colossus computer)
Middle row: Early vacuum tube computer (ENIAC), Supercomputer (IBM Summit)
Bottom row: Video game console (Nintendo GameCube), Smartphone (Samsung Galaxy S III)

Intertec Superbrain
IsiCikizi Samsung Chromebook

Imikhiqizo ehlukile yezezimboni neyabakhozi isebenzisa izicikizi njengezimiso zokulawula. Izilekeleli zenjongo ecacile njengechadaza (microwave oven) nezilawuli kude(remote controls) ziyabalwa, kanjalo nezilekeleli zomkhando ezifana nezithununu zezimboni kanye nomklamo osizwa isicikizi, kuhlanganise nezilekeleli zenjongo ebanzi ezifana nesicikizi somuntu siqu nezilekeleli eziphathwayo (mobile devices) njengoMakhalipha (smartphone). Izicikizi zifukutha uxhakaxholo ngokukhongca izigidigidi zezinye izicikizi nabazisebenzisayo.

Izicikizi zokuqala zazihloselwe ukusetshenziselwa uqaqululo (calculations) kuphela. Izinsiza ezifana ne-abacus sezisize abantu ekwenzeni uqaqululo kusuka endulo. Ekuqaleni kwenguquko yezimboni, izilekeleli zezinguxa zakhiwa ukuze zihleleleke (automate) imisebenzi emide ekhathazayo, njengokuqondisa isifanelo sesilukisi (loom). Izinguxa zamazuba zazenza imisebenzi eyinkimbinkimbi yoqaqululo lwenzuko (analog calcuations) ekuqaleni kwekhulu lama-20. Izinguxa eziqaqululayo zamazuba zezezibhangqiwe zokuqala zakhiwa ngesikhathi sempi yomhlaba yesibili.

uMsuka wegama

isiCikizi esingumuntu, noma uMcikizi, ohlezi nesibonancinci nesiqaqululi ngowe-1952.

Igama elithi "isicikizi" lisuselwa esenzweni sokucikiza, esinencazelo yokuqala esho "ukubhala", eyesibili isho "ukuhlaziya, ukuxazulula inkinga," njengalapho umuntu ecikiza isibalonqangi sezibalo. Liyafaneleka lelibizo uma linesiqalo esithi 'isi' ngokwezigaba zamabizo. Umuntu ocikizayo yena uzoba "uMcikizi".

Kubikwa ukuthi izicikizi zokuqala kwakungabantu, ikakhulu abesifazane, kwakuba yibo izicikizi ngoba babeholelwa imali encane kunabesilisa. Cishe ngonyaka we-1943, iningi lezicikizi ezingabantu kwakungabesifazane.

Computer - isiCikizi
Compute - UkuCikiza
Human computer - UmCikizi
Computation - Umcikizo

uMlando

Ngaphambi kwekhulu lama-20

ithambo elibizwa Ishango, kwakuyithuluzi eliyithambo lase-Afrika yanguna

Ezinkulungwaneni zeminyaka edlule, kuye kwasetshenziswa iziLekeleli ekucikizeni, ikakhulu ukubala ngeminwe. Isilekeleli sokubala sokuqala kungenzeka kwakunguthi lokubala. Kamuva izinsiza zokugcina izibalo kulo lonke elaseMpuma ephakathi zazihlanganisa izingcezu zobumba, okwakubalwa ngazo ukudla okusanhlamvu, imfuyo, ezazigcinea emagobongweni aluhoshoba adikiselwe.

isihlohlo sokubala saseShayina. Inani elivezwe kulesihlohlo izi-6,302,715,408.

Isihlohlo i-Abacus sasungulelwa ukwenza imisebenzi yezobalonqangi. Isihlohlo saseRoma sathuthukiswa eziklamweni zaseBhabhiloni cishe ngowezi-2400 BCE.

Inguxa i-Antikithera, yaseGrisi lasendulo cishe ngowama -150-100 BCE, uyisiklamo sasendulo sokucikiza ngenzuko.

Inguxa i-Antikithera kukholwa ukuba iyisicikizi senzuko esiguxazelayo esaziwayo, ngokuka Derek J. de Solla Price.^[1] Lenguxa yayiklanyelwe ukuqaqulula ukuma kwezinkanyezi. Yavubukulwa ngowei-1901 ekuphahlazekeni kwase-Antikithera eduze naseGrisi.^[2]

IsiCikizi sokuqala

uCharles Babbage

Isazobe sengxenye yesilumbamdiki somehluko sikaCharles Babbage

Isilumbamdiki somehluko sesi-2 engqalabeni ebizwa Intellectual Ventures ese-Seattle

UCharles Babbage, wayengumngcikishi wezinguxanguxa neSazikwasani esaqhamuka nesicabango sesicikizi esihlelelisekwayo. Uthathwa "njengengqalabutho yesiCikizi",^[3] uyena owacabanga futhi waqamba isicikizi esiyinguxa sokuqala.

Ukusetshenziswa

Ekhaya

Ukudlala imidlalo yesiCikizi
Ukubhala
Ukuxazulula izinkinga zezibalo
Ukubuka izithombe ezinyakazayo
Ukulalela umculo neminye imisindo eqoshiwe
Ukuhlela umculo, izithombe, nezithombe ezinyakazayo
Ukuqopha umsindo
Ukuxhumana nabanye abantu
Ukusebenzisa uXhakaxholo
Ukuthenga kuxhakaxholo
Ukudweba
Ukukhokhela izikweletu kuxhakaxholo

Ehhovisi

Ukusebenzisa izinhlelelo zokubhala
Ama-spreadsheet
Izethupo
Ukuhlela izithombe
I-E-mail
Ukuhlela izithombe ezinyakazayo/i-rendering
Ukuqopha umsindo
ukuphathwa kwesimiso
uKwakha isizindalwebu
uKwakha izinhlelelo

Imithombo

↑ The Antikythera Mechanism Research Project Archived 28 April 2008 at the Wayback Machine., The Antikythera Mechanism Research Project. Retrieved 1 July 2007.
↑ Marchant, Jo (1 November 2006). "In search of lost time". Nature 444 (7119): 534–538. Bibcode 2006Natur.444..534M. doi:10.1038/444534a. PMID 17136067.
↑ Halacy, Daniel Stephen (1970). Charles Babbage, Father of the Computer. Crowell-Collier Press. ISBN 978-0-02-741370-0.

[1] The Antikythera Mechanism Research Project Archived 28 April 2008 at the Wayback Machine., The Antikythera Mechanism Research Project. Retrieved 1 July 2007.

[2] Marchant, Jo (1 November 2006). "In search of lost time". Nature 444 (7119): 534–538. Bibcode 2006Natur.444..534M. doi:10.1038/444534a. PMID 17136067.

[3] Halacy, Daniel Stephen (1970). Charles Babbage, Father of the Computer. Crowell-Collier Press. ISBN 978-0-02-741370-0.

[1]

[2]

[3]